Shree Hanuman Chalisa Lyrics

Shree Hanuman Chalisa Lyrics – Hariharan Lyrics

Shree Hanuman Chalisa

Shree Guru Charan Saroj Raj
Nija Manu Mukur Sudhaari
Barnau Raghuvar Bimal Jasu
Jo Daayaku Phal Chaari

Buddhi Heen Tanu Jaanike
Sumirow Pavan Kumaar
Bal Buddhi Bidya Dehu Mohi
Harahu Kalesh Bikaar

Jai Hanumaan Jnaana Guna Saagar
Jai Kapisa Tihun Loka Ujaagar
Raam Doota Atulita Bala Dhaamaa
Anjani Putra Pavansuta Naamaa

Mahabeer Bikrama Bajrangi
Kumati Nivaar Sumati Ke Sangi
Kanchan Baran Biraaj Subesaa
Kaanan Kundal Kunchit Kesaa

Haath Bajra Aur Dhvajaa Biraajai
Kaandhe Moonj Janeu Saajai
Shankar Suvan Kesari Nandan
Tej Prataap Mahaa Jag Bandan

Vidyaavaan Guni Ati Chaatur
Raam Kaaj Karibe Ko Aatur
Prabhu Charitra Sunibe Ko Rasiyaa
Raam Lakhan Sitaa Man Basiyaa

Sukshma Roop Dhari Siyahin Dikhaavaa
Bikata Roop Dhari Lanka Jaraavaa
Bhima Roop Dhari Asura Sanhaare
Raamchandra Ke Kaaj Savaare

Laaya Sajivan Lakhana Jiyaaye
Shree Raghuvir Harshi Ura Laaye
Raghupati Kinhi Bahuta Baraai
Tuma Mama Priya Bharatahi Sama Bhai

Sahasa Badan Tumharo Jasa Gaavein
Asa Kahi Shripati Kanth Lagaavein
Sankaadika Brahmaadi Munisaa
Naarad Saarad Sahit Ahisaa

Jama Kubera Digpaal Jahaan Te
Kabi Kobida Kahin Sake Kanhaa Te
Tum Upakaar Sughrivahi Keenhaa
Raam Milai Raaja Pada Deenha

Tumharo Mantra Bibhishan Maanaa
Lankeshvara Bhaye Saba Jaga Jaanaa
Jug Sahastra Jojana Para Bhaanu
Leelyo Taahi Madhura Phala Jaanu

Prabhu  Mudrikaa  Meli  Mukha  Maaheen
Jaladhi Laanghi Gaye Acharaja Naaheen
Durgam Kaaj Jagat Ke Jete
Sugam Anugraha Tumhare Te Te

Raam Duwaare Tuma Rakhavaare
Hota Na Aagyaa Binu Paisaare
Sab Sukh Lahen Tumhaari Sharnaa
Tum Rakchak Kaahu Ko Dara Naa

Aapana Tej Samhaaro Aapei
Tino Loka Haank Te Kaanpai
Bhoot Pisaach Nikat Nahi Aavei
Mahaabira Jab Naam Sunaavei

Naasei Rog Hare Sab Peeraa
Japat Nirantara Hanumata Beeraa
Sankat Te Hanumaana Churaavei
Mana Kram Bachan Dhyaan Jo Laavei

Sab Par Raam Tapsvee Raaja
Tina Ke Kaaj Sakal Tum Saajaa
Aur Manorath Jo Koi Laave
Soi Amita Jivan Phal Paave

Chaaro Jug Partaap Tumhaaraa
Hai Parsiddha Jagat Ujiyaaraa
Saadhu Sant Ke Tum Rakhavaare
Asura Nikandan Raam Dulaare

Ashta Siddhi Nau Nidhi Ke Daataa
Asa Bar Dina Jaanki Maataa
Raam Rasaayan Tumhare Paasaa
Sadaa Raho Raghupati Ke Daasaa

Tumhare Bhajan Raam Ko Paavei
Janam Janam Ke Dukh Bisaraavei
Anta Kaal Raghubar Pura Jaie
Jahaan Janma Hari Bhakta Kahaai

Aur Devataa Chitt Na Dharai
Hanumat Sei Sarva Sukh Karai
Sankata Kate Mitey Saba Peeraa
Jo Sumirei Hanumat Balabiraa

Jai Jai Jai Hanumaan Gosaain
Kripa Karahu Guru Deva Ki Nain
Jo Sata Baar Paath Kar Koi
Chutai Bandi Mahaa Sukh Hoi

Jo Yah Padhe Hanumaan Chalisaa
Hoya Siddhi Saakhi Gourisaa
Tulsidaas Sadaa Hari Cheraa
Keejai Naath Hriday Mah Deraa

Pavana Tanay Sankat Haran
Mangal Murti Roop
Raam Lakhan Sita Sahit
Hridaya Basahu Sura Bhup

Shree Hanuman Chalisa Lyrics in Hindi

।। श्री हनुमान चालीसा दोहा ।।

श्रीगुरु चरन सरोज रज निज मन मुकुर सुधारि।

बरनउँ रघुबर बिमल जसु जो दायकु फल चारि॥




बुद्धिहीन तनु जानिकै सुमिरौं पवनकुमार।

बल बुधि बिद्या देहु मोहिं हरहु कलेस बिकार॥




।। चौपाई ।।




जय हनुमान ज्ञान गुन सागर।

जय कपीस तिहुँ लोक उजागर॥




राम दूत अतुलित बल धामा।

अंजनि पुत्र पवनसुत नामा॥




महावीर विक्रम बजरंगी।

कुमति निवार सुमति के संगी॥




कंचन बरन बिराज सुबेसा।

कानन कुंडल कुंचित केसा॥




हाथ बज्र औ ध्वजा बिराजै।

काँधे मूँज जनेऊ साजै॥




शंकर सुवन केसरी नंदन।

तेज प्रताप महा जग बंदन॥




विद्यावान गुनी अति चातुर।

राम काज करिबे को आतुर॥




प्रभु चरित्र सुनिबे को रसिया।

राम लखन सीता मन बसिया॥




सूक्ष्म रूप धरी सियहिं दिखावा।

बिकट रूप धरि लंक जरावा॥




भीम रूप धरि असुर सँहारे।

रामचन्द्र के काज सँवारे॥




लाय सँजीवनि लखन जियाए।

श्रीरघुबीर हरषि उर लाए॥




रघुपति कीन्हीं बहुत बड़ाई।

तुम मम प्रिय भरतहि सम भाई॥




सहस बदन तुम्हरो जस गावैं।

अस कहि श्रीपति कंठ लगावैं॥




सनकादिक ब्रह्मादि मुनीसा।

नारद सारद सहित अहीसा॥




जम कुबेर दिक्पाल जहाँ ते।

कबी कोबिद कहि सकैं कहाँ ते॥




तुम उपकार सुग्रीवहिं कीन्हा।

राम मिलाय राजपद दीन्हा॥




तुम्हरो मन्त्र बिभीषन माना।

लंकेश्वर भए सब जग जाना॥




जुग सहस्र जोजन पर भानू।

लील्यो ताहि मधुर फल जानू॥




प्रभु मुद्रिका मेलि मुख माहीं।

जलधि लाँघि गये अचरज नाहीं॥




दुर्गम काज जगत के जेते।

सुगम अनुग्रह तुम्हरे तेते॥




राम दुआरे तुम रखवारे।

होत न आज्ञा बिनु पैसारे॥




सब सुख लहै तुम्हारी शरना।

तुम रक्षक काहू को डरना॥




आपन तेज सम्हारो आपै।

तीनौं लोक हाँक ते काँपे॥




भूत पिशाच निकट नहिं आवै।

महाबीर जब नाम सुनावै॥




नासै रोग हरै सब पीरा।

जपत निरंतर हनुमत बीरा॥




संकट तें हनुमान छुड़ावै।

मन क्रम बचन ध्यान जो लावै॥




सब पर राम तपस्वी राजा।

तिन के काज सकल तुम साजा॥




और मनोरथ जो कोई लावै।

सोहि अमित जीवन फल पावै॥




चारों जुग परताप तुम्हारा।

है परसिद्ध जगत उजियारा॥




साधु संत के तुम रखवारे।

असुर निकंदन राम दुलारे॥




अष्ट सिद्धि नौ निधि के दाता ।

अस बर दीन्ह जानकी माता॥




राम रसायन तुम्हरे पासा।

सदा रहो रघुपति के दासा॥




तुम्हरे भजन राम को पावै।

जनम जनम के दुख बिसरावै॥




अंत काल रघुबर पुर जाई।

जहाँ जन्म हरिभक्त कहाई॥




और देवता चित्त न धरई।

हनुमत सेइ सर्व सुख करई॥




संकट कटै मिटै सब पीरा।

जो सुमिरै हनुमत बलबीरा॥




जय जय जय हनुमान गोसाईं।

कृपा करहु गुरुदेव की नाईं॥




जो शत बार पाठ कर कोई।

छूटहि बंदि महा सुख होई॥




जो यह पढ़ै हनुमान चालीसा।

होय सिद्धि साखी गौरीसा॥




तुलसीदास सदा हरि चेरा।

कीजै नाथ हृदय महँ डेरा॥




।। श्री हनुमान चालीसा दोहा ।।




पवनतनय संकट हरन मंगल मूरति रूप।

राम लखन सीता सहित हृदय बसहु सुर भूप॥